Հայաստանի Ամերիկյան համալսարանի “Պատասխանատու հանքարդյունաբերության կենտրոն”-ի, Կովկասի բնապահպանական ՀԿ–ների ցանցի, “Շրջակա միջավայրի իրավական պահպանություն կենտրոն” ՀԿ-ի և ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնի համագործակցության արդյունքում 2015թ. հունիսի 9-ին Ալավերդի քաղաքում կազմակերպվեց դասընթաց “Հասարակության մասնակցությունը շրջակա միջավայրին վերաբերող որոշումների կայացման գործընթացին. հնարավորություններ, խոչընդոտներ և պրակտիկա” վերտառությամբ:
Բացման խոսքով հանդես եկավ ՀԱՀ Պատասխանատու հանքարդյունաբերության կենտրոնի ղեկավար Գարեն Նազարյանը: “ՇՄԻՊԿ” ՀԿ նախագահ, ԵՊՀ ԷԻԿԳ ղեկավար Աիդա Իսկոյանը ներկայացրեց բնապահպանական ոլորտում որոշումների կայացման գործընթացին հասարակության արդյունավետ մասնակցության դերը և նշանակությունը ժողովրդավարության ամրապնդման և բնապահպանության ոլորտում որոշումների կայացման գործում: Փորձագետներ Հեղինե Հախվերդյանը, Օլիմպիա Գեղամյանը և Լաուրա Պետրոսյանցը անդրադարձան հասարկության մասնակցության բովանդակությանը, սկզբունքներին, իրագործման մեխանիզմներին, ինչպես նաև էկոլոգիական տեղեկատվության ստանալու իրավունքին պաշտպանության իրավական հիմքերին և կիրառման գործնական մեխանիզմներին:
Մասնակիցների թվում էին տեղի երիտասարդ ակտիվիստները, ինչպես նաև ԲՈՒՀ-երի ուսանողները, ովքեր հետաքրքրված էին շրջակա միջավայրի պահպանության հարցերով:
Միջոցառումը լուսաբանվել է “Անկյուն 3” և “Հետք Ալավերդի” տեղական լրատվամիջոցների կողմից:
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.