ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԷԿՈԼՈԳԻԱԿԱՆ ԻՐԱՎՈՒՆՔԻ ԳԻՏԱՈՒՍՈՒՄՆԱԿԱՆ ԿԵՆՏՐՈՆ
2013-10-17 «Ցածր ածխածնային տեխնոլոգիաներ և էներգաարդյունավետության բարձրացում» թեմայով աշխատանքային սեմինար-քննարկում
ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնում կազմակերպվել էր «Ցածր ածխածնային տեխնոլոգիաներ և էներգաարդյունավետության բարձրացում» թեմայով աշխատանքային սեմինար: Աղտոտման կանխարգելման ԵՄ թվինինգային ծրագրի շրջանակներում կազմակերպված քննարկման նախաձեռնողը ՀՀ բնապահպանության նախարարություն էր:
Քննարկումներին մասնակցում էին Թվինինգային ծրագրի մշտական խորհրդատու Թեոդոր Յուրոշեկը, Բնապահպանության նախարարության և ոլորտի ՀԿ-ների ներկայացուցիչներ, հյուրեր կային նաև Գերմանիայից և Իսպանիայից:
Սեմինարի մասնակիցներին ողջունեց Թվինինգային ծրագրի հայաստանյան գործընկեր Ջուլիետա Ղլիչյանը, այնուհետև նմանաբնույթ քննարկումների, ինչպես նաև փորձի փոխանակման կարևորության մասին խոսեց ԵՄ թվինինգային ծրագրի ղեկավար, Գերմանիայի ներկայացուցիչ Մարտինա Կարբովսկին:
Սեմինարի հիմնական բանախոսը Թվինինգային ծրագրի փորձագետ, Գերմանիայի ներկայացուցիչ Յոզեֆ Հյուբերն էր, ով ներկայացրեց երկու զեկույց՝ «Գերմանիայի Կառավարության էներգետիկայի հայեցակարգը» և «Գերմանիայի էներգաարդյունավետության քաղաքականությունը և շենք-շինությունների էներգաարդյունավետությունը» թեմաներով:
«Ցածր ածխածնային տեխնոլոգիաների զարգացումը» թեմայով ելույթ ունեցավ Թվինինգային ծրագրի մեկ այլ փորձագետ Ֆրանց-Յոզեֆ Էլլերմանը, ով Թաիլանդի օրինակով ներկայացրեց էներգետիկայի ոլորտում ցածր ածխածնային տեխնոլոգիաների զարգացման փուլերն ու դրանց արդյունավետ աշխատանքը:
Զեկույցների ընթացքում մասնագետների միջև քննարկումներ էին ծավալվում. նրանք հարցեր էին բարձրացնում և զարգացած երկրների փորձի հիման վրա առաջարկում լուծման ճանապարհներ:
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.
