ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնում ՀՀ բնապահանության նախարարությունը կազմակերպել էր «Կարողությունների հզորացում՝ ԱԱ դիրեկտիվի լավագույն հասանելի տեխնոլոգիաների տեղեկատու փաստաթղթերի վերաբերյալ, պոչամբարների և լցակույտերի կառավարում հանքարդյունաբերության ոլորտում» թեմայով աշխատանքային սեմինար-քննարկում:
Երկօրյա սեմիանարն այն հերթական քննարկումներից մեկն է, որը կազմակերպվում է Աղտոտման կանխարգելման ԵՄ թվինինգային և «Աղտոտման համալիր կանխարգելման և հսկման ներդրման նպատակով Բնապահպանության նախարարության հզորությունների զարգացում» ծրագրերի շրջանակներում:
Մասնակիցներին ողջունեց և քննարկման հիմնական նպատակներն ու ակնկալիքները ներկայացրեց ՀՀ բնապահպանության նախարարության աշխատակազմի նորմատիվա-մեթոդական վարչության պետ, «Թվինինգ» ծրագրի երկարաժամկետ միջազգային փորձագետի գործընկերը Հայաստանում Ջուլիետա Ղլիչյանը:
ԵՊՀ էկոիրավունքի գիտաուսումնական կենտրոնի տնօրեն Աիդա Իսկոյանը նույնպես կարևորեց նմանաբնույթ քննարկումները, ինչպես նաև խոսեց կենտրոնի առաքելության և մինչ օրս իրականացրած ծրագրերի մասին:
Այնուհետև Թվինինգային ծրագրի շրջանակներում Հայաստանում մշտական թվինինգային խորհրդատու Թեոդոր Յուրոշեկը խոսեց ոլորտի զարգացման փուլերի, ներկայումս առկա խնդիրների ու դրանց ուղղությամբ կատարվող քայլերի մասին:
Առաջին զեկույցը Թվինինգային ծրագրի փորձագետ Պետեր Ազենբաումինն էր, ով ներկայացավ «Լավագույ հասանելի տեխնոլոգիաների տեղեկատու» ընդհանուր ակնարկով: Նա տեսապատկերների միջոցով պատմեց հանքարդյունաբերության ոլորտում նախկինում տարբեր երկրներում տեղի ունեցած վթարների մանրամասների, դրանց պատճառների և հետևանքների մասին:
Առաջին օրվա քննարկումների ընթացքում զեկույցով հանդես եկավ նաև Թվինինգային ծրագրի մեկ այլ փորձագետ Ռոլֆ Պետրին:
Միջոցառմանը մասնակցում էին Բնապահպանության ու Էներգետիկայի և բնական պաշարների նախարարությունների, մի շարք հասարակական կազմակերպությունների ներկայացուցիչներ, շահութային գերատեսչությունների մասնագետներ, ինչպես նաև տնտեսվարող սուբյեկտներ:
Երկրորդ օրը սեմինարի մասնակիցները շարունակեցին իրենց քննարկումները, որոնք հիմնականում վերաբերում էին պոչամբարների և լցակույտերի հետ առկա խնդիրներին:
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.