ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԷԿՈԼՈԳԻԱԿԱՆ ԻՐԱՎՈՒՆՔԻ ԳԻՏԱՈՒՍՈՒՄՆԱԿԱՆ ԿԵՆՏՐՈՆ
2012-01-01 ԿԵՆՏՐՈՆԻ ՀԵՏԱԶՈՏՈՒԹՅՈՒՆՆԵՐ
ՀՀ ԱՆՏԱՌԱՅԻՆ ՕՐԵՆՍԴՐՈՒԹՅԱՆ ՈՒՂԵՑՈՒՅՑ
ՀՀ անտառային օրենսդրության ուղեցույցը առաջին փորձն է համալիր ձևով մեկնաբանելու ՀՀ անտառային օրենսգիրքը և անտառային օրենսդրության համակարգը ձևավորող այլ իրավական ակտերի համապատասխան դրույթները: Այն ներառում է նաև առաջարկություններ մեկնաբանվող դրույթներում փոփոխություններ և լրացումներ կատարելու վերաբերյալ:
Ուղեցույցը նախատեսված է օրենսդիր, գործադիր և դատական իշխանության համակարգում աշխատողների, շրջակա միջավայրի պահպանությամբ զբաղվող կազմակերպությունների, անտառային տնտեսություն վարող սուբյեկտների և գործարարների համար: Այն կարող է օգտակար լինել նաև բարձրագույն ուսումնական հաստատությունների դասախոսներին, ուսանողներին և շրջակա միջավայրի պահպանությամբ հետաքրքրվողներին:
Այս ուղեցույցը պատրաստվել և հրատարակվել է Եվրամիության կողմից ֆինանսավորվող Անտառային օրենսդրության կիրառման և անտառային ոլորտի կառավարման բարելավում Եվրոպական հարևանության քաղաքականության արևելյան երկրներում և Ռուսաստանում (ENPI-FLEG) տարածաշրջանային ծրագրի շրջանակներում որպես WWF հայաստանյան մասնաճյուղի կողմից իրականացվող Անտառային օրենսդրության ոլորտում հզորությունների ստեղծում` անտառային օրենսդրության վերաբերյալ ձեռնարկի մշակման, հրատարակման և ուսուցողական դասընթացների իրականացման միջոցով գործողության մաս: Ծրագրի և դրա իրականացման վերաբերյալ մանրամասն տեղեկություններ կարելի է ստանալ www.enpi-fleg.org կայքից:
Ուղեցույցը պատրաստել և տարածել է Շրջակա միջավայրի իրավական պահպանության կենտրոն ՀԿ-ը: Այն հեղինակել են Կենտրոնի ղեկավար Ա. Իսկոյանը, գիտաշխատողներ Հ. հախվերդյանը և Գ. Մովսիսյանը:ՀՀ ԷԿՈԼՈԳԻԱԿԱՆ ԻՐԱՎՈՒՆՔ (ԴԱՍԱԳԻՐՔ)
Էկոլոգիական իրավունքի գիտաուսումնական կենտրոնը ներկայումս ավարտում է ՀՀ "էկոլոգիական իրավունք" դասագրքի մշակման աշխատանքները:
Դասագիրքը շարադրվել է հիմք ընդունելով ԵՊՀ իրավագիտության ֆակուլտետի բակալավրի 4-րդ կուրսի էկոլոգիական իրավունք առարկայի ծրագիրը: Դրանում ամփոփովել են`
1. ՀՀ-ում էկոլոգիական իրավունքի ձևավորման, կայացման ընթացքը և զարգացման միտումները,
2. Իրավունքի այս ճյուղի առանցքային ինստիտուտների իրավական կարգավորման շրջանակը,
3. ՀՀ էկոլոգիական օրենսդրության իրացմանը խոչընդոտող հիմնախնդիրները:
Դասագիրքը նախատեսվում է հրատարակել գալիք տարվա սկզբին:
ՀՀ-ՈՒՄ ՄԱՐԴՈՒ ԷԿՈԼՈԳԻԱԿԱՆ ԻՐԱՎՈՒՆՔՆԵՐԻ
ԻՐԱՑՄԱՆ ՎԻՃԱԿԻ ՈՒՍՈՒՄՆԱՍԻՐՈՒԹՅՈՒՆ
ԵՊՀ իրավագիտության ֆակուլտետի էկոլոգիական իրավունքի գիտաուսումնական
կենտրոնը ԵԱՀԿ Երևանյան գրասենյակի և Մարդու իրավունքների պաշտպանի գրասենյակի հետ համատեղ 2009 թվականին իրականացրել է ՀՀ-ում մարդու էկոլոգիական իրավունքների իրացման վիճակի վերաբերյալ հետազոտություն: Այն ընդգրկում է մարդու ընթացակարգային էկոլոգիական իրավունքները` տեղեկատվության մատչելիություն, հասարակության մասնակցություն և արդարադատության մատչելիություն: Զուգահեռաբար քննարկվել է նաև օրենսդրության խախտման համար պատասխանատվության կիրառման հիմնախնդիրները:
Հետազոտության հիմնական արդյունքներն ամփոփվել են իրավունքների իրացման ոլորտում առկա ձեռքբերումների, ինչպես նաև սուբյեկտիվ և օբյեկտիվ բնույթի խոչընդոտների ընդհանրացմամբ:
Այսպես, էկոլոգիական տեղեկատվության մատչելիության խոչընդոտները վերոգրյալ չափանիշներին համապատասխան դասակարգվել են օբյեկտիվի` ա) տեղեկատվության մատչելիության օրենսդրական կարգավորման բացերը, բ) ինստիտուցիոնալ ներուժի անբավարար մակարդակը (օրինակ` տեխնիկական անբավարար ապահովվածություն)) և սուբյեկտիվի` օրինակ` լիազոր մարմնի կողմից տեղեկատվության մատչելիության անհիմն սահմանափակումներ այն դեպքերում, երբ պետական մարմինը տիրապետում է էկոլոգիական տեղեկատվության:
Հասարակության մասնակցության իրավական հիմնախնդիրները քննարկելիս առանձնակի քննարկման առարկա են դարձել արդյունավետ մասնակցության խոչընդոտները: Մասնավորապես վեր են հանվել հետևյալ խնդիրները. 1. հստակ տարանջատված չեն պետական կառավարման մարմինների և այլ սուբյեկտների պարտականությունները հանրային քննարկումների կազմակերպման գործընթացում
2. Իրավական ակտերի դրույթների ուսումնասիրությունից հնարավոր չէ ամբողջական պատկերացում կազմել շրջակա միջավայրի վրա ազդեցության փորձաքննության փուլերի վերաբերյալ, ինչը անուղղակիորեն ազդում է որոշման ընդունման վաղ փուլում հասարակության ներգրավվածության ապահովման վրա
3. Բացակայում են նյութական օրենսդրությամբ պետական կառավարման մարմիններին վերապահված լիազորությունների չկատարման համար պատասխանատվության մեխանիզմները:
Վարչական և քաղաքացիական դատավարության կարգով շրջակա միջավայրի հարցերի առնչությամբարդարադատության մատչելիության ապահովման վերլուծությամբ վեր են հանվել դատական պրակտիկայի անբավարար զարգացվածության, ինչպես նաև նյութական իրավունքների բնույթին պաշտպանության ընթացակարգերի համապատասխանության ապահովման խնդիրները:
Ներկայացված հետազոտությունը հրատարակված չէ, սակայն Էկո-իրավունքի կենտրոնը նախաձեռնել է լիովին նոր հետազոտություն, որը նախատեսվում է ավարտին հասցնել գալիք տարվա ընթացքում:
ՀՀ ԷԿՈԼՈԳԻԱԿԱՆ ԻՐԱՎՈՒՆՔ (ԻՐԱՎԱԿԱՆ ԱԿՏԵՐԻ ԺՈՂՈՎԱԾՈՒ)
Սույն ժողովածուի հրատարակումը փորձ է համակարգելու այն իրավական ակտերը, որոնք կոչված ենկարգավորելու հասարակություն և բնության փոխհարաբերման ոլորտում առաջացող հասարակական հարաբերությունները: Ընթերցողի ուշադրությանը ներկայացվող ժողովածուն ընդգրկում է Հայաստանի Հանրապետության` շրջակա բնական միջավայրի պահպանության նորմատիվ իրավական ակտերը: ՀՀ էկոլոգիական օրենսդրությունը ժողովածուի մեջ դասակարգվել է` հիմք ընդունելով ինչպես ակտերի առարկայական պատկանելիությունը, այնպես էլ դրանց հիերարխիկ փոխհարաբերակցությունը: Ժողովածուն նախատեսված է օրենսդիր, գործադիր և դատական իշխանության համակարգում աշխատողների համար: Այն օգտակար կլինի նաև բարձրագույն ուսումնական հաստատությունների դասախոսների և ուսանողների և բոլոր նրանց համար, ովքեր հետաքրքրվում են շրջակա միջավայրի պահպանությամբ և դրա իրավական կարգավորմամբ ՀՀ-ում:
ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնը շնորհակալությունն է հայտնում ԵԱՀԿ երևանյան գրասենյակին Ժողովածուի երրորդ հրատարակության նախապատրաստմանը և հրատարակմանը աջակցելու համար:
Ուրախ ենք տեղեկացնելու, որ էկոլոգիական օրենսդրության էլեկտրոնային ավելի ընդարձակ և համակարգված տարբերակը մատչելի է մեր կայքում:
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.
