Սույն թվականի մարտի 3-4 Դիլիջանում տեղի ունեցավ Ecolex.am էլեկտրոնային հարթակի շնորհանդես-քննարկումը:
Ecolex.am էլեկտրոնային հարթակը պատրաստվել է “Բնապահպանական կառավարման հզորացման ոչ-կառավարական կազմակերպությունների կարողությունների զարգացման միջոցով” ծրագրի շրջանակներում, որը ֆինանսավորվում է Եվրոպական միության կողմից և իրականացվում է ՄԱԿ-ի զարգացման ծրագրի ԳԷՀ Փոքր դրամաշնորհների ծրագրի միջոցով:
Շնորհանդես-քննարկմանը մասնակցեցին ՀՀ բնապահպանության, ՀՀ արդարադատության, ՀՀ առողջապահության, ՀՀ գյուղատնտեսության, ՀՀ էներգետիկայի և բնական պաշարների, ՀՀ արտակարգ իրավիճակների, ՀՀ քաղաքաշինության, ՀՀ տանսպորտի և կապի նախարարությունների, ՀՀ ազգային ժողովի, Մարդու իրավունքների պաշտպանի, Օրհուս կենտրոնների և մի շարք հասարակական կազմակերպությունների ներկայացուցիչներ։
Միջոցառման ընթացքում մասնակիցներին հանգամանորեն ներկայացվեց Ecolex.am էլեկտրոնային հարթակի կառուցվածքը, հնարավորությունները, գործիքները և ռեսուրսները, գրանցման և բաժանորդագրման մեխանիզմները, օգտատերերի տեսակները, նախագծերի որոնման համակարգը, նախագծերի վերաբերյալ առցանց դիտողություններ և առաջարկներ անելու հնարավորությունը և կայքի այլ գործիքների օգտագործման մեխանիզմները:
Ecolex.am Էլեկտրոնային հարթակը միավորում է ՀՀ Ազգային ժողովի, ՀՀ Կառավարության, ՀՀ բնապահպանության նախարարության և այլ գերատեսչությունների կողմից մշակված այն իրավական ակտերի նախագծերը, որոնք առնչվում են շրջակա միջավայրի պահպանությանը և բնական ռեսուրսների օգտագործմանը: Կայքում հասանելի էլեկտրոնային գործիքների համակարգը հնարավորություն է տալիս օգտատերերին անմիջապես նախագիծը մշակողին ներկայացնել համապատասխան առաջարկները և նկատառումները, որոնք միաժամանակ մատչելի են կայքի բոլոր այցելուների համար:
ՀՀ բնապահպանության նախարարության ներկայացուցիչը անդրադարձավ Ecolex.am հարթակի նշանակությանը և հույս հայտնեց, որ այն կդառնա կարևոր ռեսուրս ՀՀ բնապահպանության նախարարության կողմից մշակվող նախագծերի որակի բարձրացման համար:
ՀՀ արդարադատության նախարարության ներկայացուցիչը ներկայացրեց իրավական ակտերի մշակման գործընթացի թափանցիկությանը, իսկ ՀՀ ազգային ժողովի ներկայացուցչի ելույթը նվիրված էր հանրային մասնակցության կարևորությանը օրենսդրական գործընթացի արդյունավետության համատեքստում:
Շնորհանդես-քննարկմանը ներկա բոլոր պետական մարմինների ներկայացուցիչները պատրաստակամություն հայտնեցին www.ecolex.am հարթակի գործառման շրջանակներում ցուցաբերել տեղեկատվական աջակցություն։
Հարթակի ներկայացմանը հաջորդեցին բազմաթիվ հարցեր, հետաքրքիր քննարկումներ և հնչեցին մի շարք առաջարկներ ապագայում աշխատանքների կազմակերպումն առավել արդյունավետ դարձնելու վերաբերյալ։ Մասնակիցները հնարավորություն ունեցան նաև փոխանակել կարծքիներ և կայքի մշակման աշխատանքներում ներգրավված փորձագետներից ստանալ իրենց հարցերի պատասխանները։
Միջոցառման 2-րդ օրը քննարկումը շարունակվեց “Բաց տարածք” ձևաչափով, որը հնարավորություն տվեց մասնակիցներին աշխատելու ոչ պաշտոնական, անմիջական մթնոլորտում և էլեկտրոնային հարթակի գործառման արդյունավետությանը և շարունակականությանը վերաբերող տարբեր թեմաների շրջանակներում ներկայացնելու իրենց մոտեցումները, առաջարկները և նկատառումները: Քննարկումների առանցքում հետևյալ թեմաներն էին՝ 1. Ecolex.am-ի ֆինանսավորորումը և կայունության ապահովումը, 2. Ecolex.am-ի ընդլայնման հնարավորությունները, 3. Պետական մարմինների կողմից Ecolex.am-ի օգտագործման հնարավորության ընդլայնում:
Ըստ վերագրյալ թեմաների՝ մասնակիցներն իրենց հայեցողությամբ ընդգրկվեցին առանձին խմբերում՝բաղկացած էին 8-10 հոգուց: Յուրաքանչյուր խումբ զուգահեռ ընթացող քննարկումների ընթացքում ձևավորեց որոշակի գաղափարներ, մոտեցումներ, առաջարկներ, ինչպես նաև ձևակերպվեցին որոշակի քայլեր, որոնք այնուհետև խմբերի համակարգողները ամփոփ ներկայացրեցին լիագումար նիստի ընթացքում:
«Բաց տարածք» ձևաչափով քննարկումները համանման դեպքերում հնարավորություն են տալիս արդյունավետ կերպով միավորել որոշակի խնդրով հետաքրքված տարբեր շահառու խմբերի մոտեցումները և ապագայում մշակել լագավույն լուծումներ։
Միջոցառման ավարտին մասնակիցները լրացրեցին շնորհանդես-քննարկման և էլեկտրոնային հարթակի որոշ հիմնական գծերին վերաբերող հարցաթերթիկներ, որոնցում արտահայտված առաջարկները և դիտարկումները ծրագրի փորձագետների կողմից հաշվի կառնվեն հարթակի բովանդակային և ֆունկցիոնալ զարգացման համատեքստում:
Միջոցառման ընթացքում մասնակիցներին ներկայացվեցին նաև ծրագրի 1-ին փուլի արդյունքները՝ “Շրջակա միջավայրին վերաբերող իրավական ակտերի մշակման գործընթացին հասարակության մասնակցության” Ուղեցույցը, ինչպես նաև հանրապետության մարզերում և Երևան քաղաքում անցկացված դասընթացերը: Համառոտ անդրադարձ եղավ նաև ծրագրի 3-րդ փուլի շրջանակներում նախատեսվող աշխատանքներին՝ կապված «Շրջակա միջավայրին վերաբերող նորմատիվ-իրավական ակտերի մշակման գործընթացին հանրային մասնակցության կարգը հաստատելու մասին» ՀՀ Կառավարության որոշման նախագծի մշակման հետ։
Միջոցառումը լուսաբանվել է ARMNEWS և Գեղարքունիք մարզի հեռուստաալիքներով:
http://www.a1plus.am/1439083.html https://www.youtube.com/watch?v=HX7_6fsftds
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.