ԵՊՀ իրավագիտության ֆակուլտետի Էկոլոգիական իրավունքի գիտաուսումնական կենտրոնը շարունակում է ձևավորված ավանդույթները` ուսանողներին, գիտնականներին, պետական կառույցների և քաղաքացիական հասարակության ներկայացուցիչներին իրազեկելով ՀՀ-ում էկոլոգիական օրենսդրության զարգացման ընթացքի և հեռանկարների վերաբերյալ: Այսօր Կենտրոնը հյուրընկալել էր Աղտոտման կանխարգելման ԵՄ թվինինգային ծրագրի շրջանակներում Հայատանում մշտական թվինինգային խորհրդատու պարոն Թեոդոր Յուրոշեկին, ՀՀ բնապահպանության նախարարության ռազմավարական ծրագրերի և մոնիթորինգի վարչության պետ, մշտական թվինինգային խորհրդատուի հայստանյան գործընկեր տիկին Ջուլիետա Ղլիչյանին և Թվինինգ ծրագրի համակարգող պարոն Վարդան Ծերունյանին: Դասախոսությունն անցավ ակտիվ քննարկման և կառուցողական բանավեճի մթնոլորտում: Հյուրերը գոհունակություն հայտնեցին Կենտրոնի ղեկավար տիկին Իսկոյանին ծրագրի հրապարակայնությունն ապահովելուն աջակցելու համար:
Հյուրերը ներկայացրեցին իրականացվող ծրագրի բովանդակությունը և շրջակա միջավայրի աղտոտոման համալիր կանխարգելման և հսկման կարգավորման (IPPC) ինստիտուտի ներդրման ուղղությունները ՀՀ-ում: Ակնկալվում է, որ օրենքի նախագիծը շրջանառության մեջ կդրվի 2014 թվականի վերջին: Նոր համակարգը փոխարինելու է բնօգտագործման և բնապահպանական թույլտվությունների գործող համակարգին` ներդնելով տնտեսվարողների համար առավել դյուրին “մեկ պատուհանի” սկզբունքը: Նոր համակարգի հիմնական առավելություններից են նաև անհարկի վարչարարության կրճատումը, բոլոր բնապահպանական և բնառեսուրսային թույլտվությունների տրամադրումը միասնական ընթացակարգի շրջանակներում առավելագույնը 240 օրվա ընթացքում: Բացի այդ, IPPC ինստիտուտի գործառման շնորհիվ հնարավոր կլինի շեշտադրումները տեղափոխել վերահսկողության դաշտից դեպի բացասական ազդեցությունների կանխարգելում, ինչը շրջակա միջավայրի պահպանության տեսանկյունից միանգամայն արդարացված է: Շրջակա միջավայրի աղտոտման համալիր կանխարգելման և հսկման համակարգը թույլ կտա թույլտվությունների տրամադրման փուլում առավելագույնս հաշվի առնել հնարավոր բացասական ազդեցությունները և մշակել դրանց կանխարգելման միջոցառումներ, որոնք հիմնված կլինեն լավագույն հասանելի տեխնոլոգիաների ներդրման գաղափարի վրա: Գերմանացի փորձագետի հավաստմամբ նշված տեխնոլոգիաների ներդրումն ինքնին հանդես է գալիս որպես տնտեսական խթանման գործիք բիզնեսի համար, որը թույլ է տալիս շրջակա միջավայրի վրա բացասական ազդեցությունների համար կատարվող ծախսերը (բնապահպանական և բնօգտագործման վճարներ) հասցնել նվազագույնի: IPPC համակարգի շրջանակներում կգործի նաև հասարակայնության մասնակցության ինստիտուտը, որը կկիրառվի շրջակա միջավայրի ազդեցության փորձաքննության շրջանակներում գործող հանրային մասնակցության ընթացակարգերին զուգահեռ:
Հայաստանում իրականացվող թվինինգային ծրագիրը բաղկացած է հետևյալ չորս բաղադրիչներից.
1. աղտոտման համալիր կանխարգելման և հսկման համակարգի ներդրման համար օրենսդրական հենքի մշակում,
2. համալիր թույլտվությունների տրամադրման և հսկման մեխանիզմների և ենթակառուցվածքների ամրապնդում,
3. ՀՀ բնապահպանության նախարարոթւյան և հիմնական շահագրգիռ կողմերի` միասնական թույլտվությունների տրամադրման ընթացակարգերի, հսկողության, վերահսկողության և իրավակիրարկման կարողությունների հզորացում` լայնածավալ վերապատրաստման դասընթացների կազմակերպում,
4. երկու փորձնական ծրագրերի իրականացում փորձնական թույլտվության նախապատրաստման ու տրամադրման, վերահսկողության իրականացման ձևով:
Ներբեռնել դասախոսության սլայդերը:
Today, the candle lighting in memory of the 1.5 million innocent victims of the Armenian Genocide was organized in the foyer of YSU main building.
25 higher educational institutions founded in Yekaterinburg the University League of the Collective Security Treaty Organization.
April 22 is The Earth Day, so the environmentalists once again raised the environmental issues.
The presentation of the book “If we remain silent, the stones would cry out” was held at YSU today. It is based on the memories of the Genocide survivor Hrachya Gevorgyan.
On April 6-12 YSU students participated in the International Youth Forum “Lomonosov 2014”.